نكات من السودان ... مع معاني المفردات

حلفاويين (احدى القبائل الغير عربية المشهورة بعدم التدين) مشوا يصلوا صلاة الجمعة والمسجد كان من الزنك والكهرباء قاطعة والجو مسخن وكان امام المسجد من جماعة ادروب (احدى قبائل شرق السودان الغير عربية ) وقعد يخطب ويقوول
ان اخوانكم يموتون في العراق ا وانتم تجلسون
وانهم يموتون في افغانستان وكذلك تجلسون
ان اخوانكم يموتون في الشيشان وانتم تجلسون
المهم ادروب خلص الخطب ووقف عشان يصلى بالجماعة و يقيم الصلاة
قام واحد من اخوانا الحلفاوين وقال ليهو : هي شنو ما لسع النشرة الجوية........
.................................................. .................................................. ........................
حلفاوى قريبو اتوفى وهو ما كان بمشى صلاة الجماعة خالص , وبعد تجهيز جنازته شالوه للجامع القريب للصلاة عليه وعندما وصلوا باب المسجد أخونا الميت فتح رجلينو واعترض الباب وبقى يعاكسهم وما قدروا يدخلوه .. وفجأةً جاهم صاحبه جارى .. وقال ليهم نزلوه شوية .. ووسوس لصاحبه الميت فى اضناو (أذنه)!!!!! وصاحبنا الله يرحمه لم رجليه وسمح لهم بالدخول فى المسجد وصلوا عليه .. وبعد خروجهم سأل الحاضرين صديق الميت . يامهمد(محمد) انت قلت للمصيبة دا شنو وطوالى لم رجليهو ووافق عشان يدخل المسجد؟ .. قال : قلت له ياخليل يامرحوم انت مش رايح تصلى .. احنا اللى رايحيـن نصلى عليك....
.................................................. .................................................. .......................
راجل قلع ملابسه وعايز يستحم في بحيرة .. فناداه أحد الحراس وقال ليهو :
عفواً يا الاخو .. ممنوع السباحة !
فرد الراجل : وليه ما كلمتنى قبل ما اقلع ملابسى؟؟؟
رد الحارس : لأن قلع الملابس مش ممنوع.....
.................................................. .................................................. .......................
فيه واحد قاعد مع اصحابو ...دخل عليه واحد وقال له : أنت قاعد هنا وزوجتك معها واحد قاعدين في غابه.
الراجل ماكذب خبر راح جري للمكان المذكور , بعد ساعه رجع وهو يضرب يد على يد ويقول :
الناس بقت تكذب ...لاحول ولاقوة الا بالله
...الناس بقت ما بتخجل ... سألوا اصحابو الحاصل شنو ؟... قال : كـلها شجرتين عملوها غابه!!!
.................................................. .................................................. ......................
رباطابي (الرباطاب احدى القبائل المشهورة بردودها اللاذعة ) قالو ليهو الدبيب (الثعبان)لمن يعضي الزول(الشخص) بخلي اسنانو في محل العضة قال ليهم ولمن يجي يعضي تاني بيعضي بي شنو؟ قالو ليهو بتقوم ليهو سنون(أسنان) تاني قال ليهم لي دبيب ولا دباسة...
.................................................. .................................................. ......................

دينكاوي ( [color=dimgray]احدى قبائل جنوب السودان "" زنوج " ) جاء لي بتاع دكان ([color:7e56=dimgray:7e56]بقالة)حلفاوي قال ليهو عندك كيت , الحلفاوي قال ليهو دا شنو دا كمان , الدينكاوي قدر ما حاول يشرح ما قدر , قام دخل جوا الدكان ومسك الخيط وقال ليهو دا ما كيت , الحلفاوي قال ليهو ياهي ما تقول هيت .